''Birbank'' mobil tətbiqinin fəaliyyəti bərpa edilib - YENİLƏNİB

Tarix: 28 Yanvar 2025 01:32

00:58

Birbank mobil tətbiqinin fəaliyyəti bərpa edilib.

Bu barədə Sonxeber.net-ın sorğusuna cavab olaraq Kapital Bankın mətbuat xidmətindən məlumat verilib.

"Birbank mobil tətbiqimizdə yaranan çətinlik aradan qaldırılıb. Tezliklə tətbiq tam şəkildə bərpa olunacaq. Təşəkkürlər", - deyə Bankdan bildirilib.

---------
22:21

Hazırda Birbank mobil tətbiqinin fəaliyyətində müvəqqəti fasilələr yaranıb.

Bu barədə Sonxeber.net-ın sorğusuna cavab olaraq Kapital Bankın mətbuat xidmətindən məlumat verilib.

"Bank əməliyyatlarını rahat və fasiləsiz həyata keçirməyin müştərilərimiz üçün nə qədər vacib olduğunu anlayır, yaranan narahatlığın ən qısa zamanda həlli üçün tam gücümüzlə çalışırıq.

Həmçinin məlumat üçün bildirmək istəyirik ki, müştərilərimiz kartla POS-terminal, eləcə də Apple Pay və Google Pay ödənişlərini rahatlıqla edə bilərlər.

Müştərilərimizə anlayışları üçün təşəkkür edirik", - deyə Bankdan bildirilib.

Qeyd edək ki, bu gün axşam saatlarından başlayaraq "Birbank" istifadəçiləri problemlə üzləşiblər.

Tətbiqə daxil olan istifadəçilər kartlarının silinmiş olduğunu görürlər.